Ubaldo

Ubaldo é un artista catalán multidisciplinar con sede  nalgunha paraxe perdida da Comunitat Valenciana. No seu universo vémonos rodeados por sons experimentais fráxiles e  introspectivos.

Describiron a súa música como unha  harmonía de murmurios melancólicos, o ritmo imperceptible da auga, voces que se deixan entrever a través de guitarras  escorregadizas e drons luminosos.

O proxecto creceu no underground peninsular, pero sempre con base na escena das artes visuais da cidade de Barcelona. Nese ambiente empezou a experimentar con diferentes pseudónimos; electrónica agresiva e directo performativo con  Odd  Labu, nowave e punk  dadaísta como  Bimbo Picasso ou o son lo-fi lúgubre de  Senàni  Masé.

En 2020 saíu o seu terceiro disco “CASA”, vía  Urpa i  Musell (selo barcelonés que leva a xente de Discos  Paradiso) cun enfoque máis  meditativo, camiñando cara a terreos máis ambient e cun carácter máis atmosférico, grazas á incursión do  saxofón e o ventos.

Desde que o proxecto empezou en 2014, colaborou con xente como o trompetista neoiorquino Mark Cunningham (MARS) o produtor barcelonés Mans O, os hiperactivos  Za!, o escritor belga Darius  Bogdanowicz, a compañía valenciana o Conde de Torrefiel ou co compositor inglés Kiran Leonard, co que comparte o  catártico dúo Or Sobre Blau.

Durante estes anos tocou por toda Europa en salas, galerías ou radios como Primavera Club,  DUBLAB, Mira Festival, Palacio da Prensa,  Meakusma, Red Light Radio,  Blue Project  Foundation, Liceo  Mutante, Sala Apolo,  WORM,  CCCB,  Soup  Kitchen, Arts Santa Monica,  NTS Radio,  Listen Festival,  Lounge,  Moth Club ou Les  Ateliers  Claus, entre outros.

ubaldo.bandcamp.com/