Metametal

Metametal é un proxecto de música electrónica experimental baseado na improvisación e manipulación electrónica do saxofón e a voz. Atopan as súas influencias musicais no  minimalismo estadounidense da década dos 60, o ambient, o dream-pop, o freejazz e o ruído polo ruído, así como a música industrial. Os experimentos de síntese granular de Borja resólvense en interminables conversacións poéticas co saxo mutante de Jacobo, en garaxes herméticos de melancolía. Con 5 anos de vida, o proxecto tivo actuacións en lugares tan dispares como o festival  Braille  Satellite en Lituania ou en  Passos Manuel no Porto, ademais de dous álbums editados en  casete, “Ventana Pequeña”,  autoeditada, e ”Desgasta Meseta”, publicado por Edicións  Capablanca, que foi seleccionado pola revista  WIRE en decembro.

desgasta-meseta